۸صبح، کابل: سیمهییزې سرچینې وايي چې په کابل ښار کې دوه وروڼه د ناڅرګندو وسلهوالو له خوا په ډزو وژل شوي دي.
سرچینو ۸صبح ورځپاڼې ته منلې چې دا دوه ځوانان سهشنبه د سلواغې پر ۹مه، ماښاممهال په کوتل خیرخانه سیمه کې وژل شوي دي.
دا وروڼه عرفان او عثمان نومېدل او دواړه ورزشکاران وو.
د سرچینو په وینا، ناڅرګند وسلهوال د دې دوو وروڼو له وژلو وروسته د موټرسایکل په وسیله له سیمې تښتېدلي دي.
تراوسه طالبانو په دې تړاو څه ویلي نهدي.
په دې وروستیو کې په کابل کې مرموزې او هدفې وژنې ډېرې شوي دي.
طالبان د دې پېښو پړه پر «ناڅرګندو وسلهوالو» اچوي، خو د کابل اوسېدونکي وايي چې د هېواد په پلازمېنه کې له طالبانو پرته نور وسلهوال نشته.
