۸صبح، ننګرهار: د ننګرهار سیمهییزې سرچینې د دغه ولایت په خوږیاڼو ولسوالۍ کې د دوو کسانو د سوځول شویو مړو له موندل کېدو خبر ورکوي.
سرچینو یکشنبه د مرغومې پر ۱۶مه، صبح ورځپاڼې ته وویل چې دا مړي دوه ورځې مخکې د خوږیاڼو ولسوالۍ په اړوندو کې موندل شوي دي.
د سرچینو په وینا، دا مړي د سیمې خلکو له خوا موندل شوي او د طالب مسوولانو ته ورسپارل شوي دي.
تر اوسه د دې کسانو هویت او د وژل کېدو لامل څرګند نه دی.
طالبانو هم تر اوسه په دې تړاو څه ویلي نه دي.
په دې وروستیو کې د ننګرهار په مرکز جلالاباد ښار او ولسوالیو کې د مرموزو وژنو ګراف تر بل هر وخت لوړ شوی چې د خلکو اندېښنې یې ډېرې کړي دي.
