۸صبح، کابل: د «ازبکي ژبې ملي ورځ» د جرمني په هامبورګ ښار کې د یو لړ مراسمو په ترڅ کې نمانځل شوې ده.
دا پروګرام یکشنبه د لړم پر ۳مه په جرمني کې د مېشتو فرهنګي فعالانو، شاعرانو، لیکوالانو، ښځو او ځوانانو په ګډون جوړ شوی و.
ویناوالو د ازبکۍ ژبې د مخینې او د فرهنګي میراث په توګه د دغې ژبې پر ارزښت خبرې کړې دي.
د دغو مراسمو په څنډه کې د موسیقۍ پروګرام او د افغان ازبکانو د خوړو او کلتوري توکو نندارتون هم جوړ شوی و.
د ازبکي ژبې ملي ورځ د تلې پر ۲۹مه، د افغانستان په ځينو ولایتونو او د نړۍ په ځینو ښارونو د کلتوري غونډو په جوړولو نمانځل کېږي.
