۸صبح، کابل: طالبانو ویلي چې پرون ۲۵۵ کورنۍ چې ۱۷۵۵ کسان پکې شامل دي، له بېلابېلو لارو افغانستان ته راستانه کړل شوي دي.
د طالبانو د ویاند مرستیال حمدالله فطرت سه شنبه د وږي پر ۱۰مه په یوه خبرپاڼه کې ویلي چې له دې ډلې ۲۶۳ کورنۍ چې ۱۳۶۳ کسان پکې شامل دي، د تورخم له لارې افغانستان ته راغلې دي.
د خبرپاڼې له مخې، ۱۶ کورنۍ د سپینبولدک له لارې، ۶۴ کورنۍ د نیمروز له لارې او ۱۲ نورې کورنۍ د اسلام کلا له لارې افغانستان ته راستنې شوې دي.
دا په داسې حال کې ده چې د کډوالو پراخې راستنېدنې په افغانستان کې پر محدودو سرچینو او نازک اقتصادي وضعیت فشار زیات کړی دی.
بلخوا، د ملګرو ملتونو د بشري چارو د همغږۍ دفتر (اوچا) په دې وروستیو کې ویلي چې له راستنېدونکو کډوالو او د طبیعي پېښو له امله له زیانمنو شویو کسانو سره د مرستې لپاره د بوديجې له سخت کمښت سره مخ دی.
