۸صبح، کابل: د طالبانو د کډوالو او راستنېدونکو چارو وزارت د پاکستان له زندانونو څخه د ۶۶ افغان بندیانو د ازادولو خبر ورکړی دی.
نوموړي وزارت شنبه د د سلواغې پر ۶مه، په یو بیان کې زیاته کړې چې دا کسان د تورخم له لارې هېواد ته راستانه شوي دي.
طالبانو د دې کډوالو د نیولو لامل د قانوني سفري اسنادو نهلرل ښودلی دی.
د طالبانو په وینا، دا کسان له درېیو ورځو څخه تر یوې میاشتې پورې بندیان وو.
په دې وروستیو کې له ۱۰۰ ډېر افغان کډوال د پاکستان له زندانونو څخه ازاد او هېواد ته راستانه شوي دي.
