۸صبح، کابل: د افغانستان کرېکټ ملي لوبډلې د ۲۰۲۶ کال نړیوال ۲۰ اوریز جام په دویمه تمریناتي لوبې کې ویسټ انډیز ته د ۲۳ منډو په توپیر ماتې ورکړه.
دا لوبه نن چهارشنبه د سلواغې پر ۱۵مه د هند په بنګلور کې وشوه.
د لوبې ټاس وېسټ انډيز وګاټه او لومړی یې د توپ اچونې پرېکړه وکړه.
افغان لوبډلې په ټاکلو اورونو کې ۱۸۲ منډې وکړې او سیالې لوبډلې ته یې د ۱۸۳ منډو هدف وټاکه.
د افغانستان په ګټه ابراهیم ځدراڼ ۵۱، رحمانالله ګربز ۴۳، عظمتالله عمرزي ۳۵ او درویش رسولي ۲۷ منډې وکړې.
وېسټ انډيز ورکړل شوی هدف پوره نه شو کړای او د اوو لوبغاړو په زیان یې ۱۵۹ منډې جوړې کړې.
له دې وړاندې افغان لوبډلې په لومړۍ تمریناتي سیالۍ کې سکاټلند ته هم د ۶۱ منډو په توپیر ماتې ورکړې وه.
د یادونې ده چې د ۲۰۲۶ کال نړیوال ۲۰ اوریز جام سیالۍ د هند او سریلانکا په کوربتوب د روانې میلادي میاشتې پر ۷مه پيلېږي.
