۸صبح، کابل: د افغانستان د ازادۍ جبهې په کابل کې د دې جبهې د ځواکونو په برید کې د دوو طالبانو د وژل کېدو او د یوه بل د ټپي کېدو خبر ورکړی دی.
دې جبهې دوشنبه د لړم پر ۴مه، په یوه اعلامیه کې ویلي چې پېښه د کابل په قرهباغ سیمه کې د طالبانو پر یوه لېږدوونکي موټر د دوی د ځواکونو د برید په پایله کې شوې ده.
د افغانستان د ازادۍ جبهې په وینا، دغه برید د یکشنبې پر ماښام د لړم پر ۳مه، شاوخوا ۸:۳۰ بجې د کابل ـ شمال پر عمومي سړک شوی دی.
د افغانستان ازادۍ جبهه د طالبانو له مخالفو ډلو ده چې د طالبانو له بیا واکمنېدو وروسته یې د دغې ډلې پر وړاندې د وسلهوالو بریدونو خبر ورکړی دی.
