۸صبح، کابل: «د نړیوال عدالت لپاره پروژې» نړیوالې موسسې د ۲۰۲۶ کال کلني راپور کې ویلي چې افغانستان د قانون حاکمیت په شاخص کې د ۱۴۳ هېوادونو په کتار کې ۱۴۲ ځای خپل کړی دی.
نوموړې موسسې په خپل کلني راپور کې د بېلابېلو هېوادونو د قانون د حاکمیت وضعیت ارزولی دی.
د دغې درجهبندۍ له مخې، ډنمارک، ناروې او فنلنډ په ترتیب لومړی، دویم او درېیم مقامونه خپل کړي دي.
د نوملړ په وروستیو کې هایتي په ۱۴۱، افغانستان په ۱۴۲ او وینزویلا په ۱۴۳مقام کې راغلي دي.
په دغه شاخص کې د قانون د حاکمیت وضعیت په اتو برخو لکه د حکومتي واک محدودیتونه، له فساد سره مبارزه، د اتباعو بنسټيز حقونه، نظم او امنیت، د مقرراتو پلي کول او مدني او جزايي عدالت ارزول کېږي.
