د اسراییلو په پارلماني ټاکنو کې له اوو ساعتونو وروسته د رایې ورکولو د ګډون کچه ۴۴.۹ سلنې ته رسېدلې، هغه چې له ۱۹۷۳ کال راهیسې په دې موده کې د رایې ورکوونکو د ګډون تر ټولو لوړه کچه بلل کېږي.
اناتولي خبري اژانس سهشنبه د اکتوبر پر ۲۷مه راپور ورکړی چې د ماسپښین تر ۲ بجو پورې د اسراییلو په بېلابېلو سیمو کې څه باندې ۳.۲۹ میلیونو کسانو رایې ورکړې وې.
په دغو ټاکنو کې څه د پاسه ۷.۳ میلیونه کسان د رایې ورکولو شرایط لري او ټاکل شوې د اسراییلو د پارلمان ۱۲۰ غړي وټاکل شي.
د رایې ورکولو مرکزونه په ځايي وخت د سهار په ۷ بجو پرانیستل شوي او ټاکل شوې چې د شپې په ۱۰ بجو وتړل شي.
په دغو ټاکنو کې د سیالۍ مهم سیاسي اړخونه بیا د اسراییلو د لومړي وزیر بنیامین نتنیاهو په مشرۍ د «لیکود» ګوند، د پخواني لوی درستیز ګادي ایزنکوټ په مشرۍ «یاشار» ګوند او د دغه هېواد د پخواني لومړي وزیر نفتالي بېنټ په مشرۍ «په ګډه» ایتلاف ګڼل کېږي.
