ټاکل شوې د روسیې ولسمشر ولادیمیر پوتین د ګازو صادرونکو هېوادونو د اتمې سرمشریزې په څنډه کې د ایران له ولسمشر مسعود پزشکیان سره د لیدنې په ګډون پنځه دوهاړخیزې ناستې ولري.
د روسیې ټاس خبري اژانس سهشنبه د اکتوبر پر ۲۷مه راپور ورکړی چې پوتین به د پزشکیان سربېره، د قطر له امیر تمیم بن حمد آل ثاني، د موزامبیق له ولسمشر دانیل چاپو، د استوایي ګیني له مشر او د لیبیا د ولسمشرۍ شورا له رییس سره هم وګوري.
د راپور پر بنسټ، پوتین به د ګازو صادرونکو هېوادونو د ټولنې په اتمې سرمشریزې کې وینا هم وکړي.
ټاکل شوې چې د ګازو صادرونکو هېوادونو د ټولنې عمومي منشي فیلیپ مشلبیلا او د دغه بنسټ د غړو هېوادونو د پلاوو مشران هم وینا وکړي.
همداراز، د څارونکو هېوادونو استازي چې د اذربایجان جمهوریت، انګولا، عراق، مالیزیا، موزامبیق او سینیګال هم په کې شامل دي، خپل لیدلوري وړاندې کړي.
د ګازو صادرونکو هېوادونو د ټولنې د غړو هېوادونو د مشرانو اتمه سرمشریزه به د «مسکو اعلامیې» په تصویب پای ته ورسېږي.
