د سوریې ولسمشر احمد الشرع وايي چې دمشق په لبنان کې د پوځي لاسوهنې اراده نه لري.
الجزیرې یکشنبه د جولای پر ۲۶مه راپور ورکړی چې احمد الشرع ویلي چې سوریه د جګړې او سولې په اړه د لبنان له پرېکړې ملاتړ کوي.
نوموړي ویلي: «موږ په سیمه کې د جنګي سیمې له پراخېدو اندېښمن یو او په لبنان کې د هېڅ ډول پوځي لاسوهنې اراده نه لرو.»
د سوریې ولسمشر زیاته کړې چې په لبنان کې هر ډول بې ثباتي، مخامخ پر سوریې اغېز کوي.
دا په داسې حال کې ده چې په سیمه کې د ترینګلتیاوو له پراخېدو سره هممهاله د سیمې هېوادونو اندېښنې زیاتې شوې دي.
