۸صبح، کابل: د لانګ وار ژورنال د يو تازه راپور له مخې د القاعده شبکه اوس هم د افغانستان په ۱۸ ولايتونو کې فعاله حضور لري.
د دغه راپور له مخې د القاعده ډلې غړي په زابل، بدخشان، غزني، خوست، بلخ، فارياب، ننګرهار، فراه، هلمند، جوزجان، کونړ، کاپيسا، کندهار، تخار، لوګر، ارزګان، پکتيا او کابل کې فعاله حضور لري.
ياد راپور کې راغلي چې، د القاعده ډلې غړي په دغو ۱۸ ولايتونو کې د طالبانو تر نظر لاندې فعاليت کوي او له همدې امله د افغانستان وګړي له ګواښ سره مخ دي.
دا په داسې حال کې ده چې څه موده وړاندې ځينو امريکايي چارواکو هم ويلي ؤ چې طالبانو اوس هم د دوحې هوکړې خلاف د القاعده ډلې سره اړيکې نه دي پرې کړي.
