۸صبح، کابل: د طالبانو د بهرنیو چارو وزیر امیرخان متقي په افغانستان کې د اروپايي ټولنې له نوي استازي توماس فریلسن سره لیدلي او پر دوه اړخیزو اړیکو یې خبرې کړې دي.
د طالبانو د بهرنیو چارو وزارت وزارت سهشنبه د تلې پر ۲۱مه خبر ورکړی چې په دې لیدنه کې پر امنیتي او له نشهيي توکو سره پر مبارزې بحث شوی دی.
د خبرپاڼې له مخې، متقي او د افغانستان لپاره د اروپايي ټولنې نوي استازي پر بشردوستانه او سیاسي مسایلو هم خبرې کړې دي.
توماس فریلسن ویلي چې د دغې ټولنې رسمي دریځ په افغانستان کې له ډاډمن امنیت او نشهيي توکو سره له مبارزې ملاتړ دی.
د خبرپاڼې په حواله، فریلسن ټينګار کړی چې اروپايي ټولنه به هڅه وکړي له طالبانو سره په بېلابېلو برخو کې همکاري ولري.
