۸صبح، ننګرهار: په ننګرهار کې ځايي سرچینې وايي چې په دغه ولایت کې د طالبانو پر رنجر موټر چاودنه کې د پنځو ماشومانو په ګډون شپږ کسان وژل شوي دي.
سرچینو ویلي چې چاودنه پنجشنبه د وږي پر لومړۍ د غرمې شاوخوا ۱۲:۳۰ د ننګرهار دره نور ولسوالۍ په «کنډک» کلي کې د نورستان لپاره د طالبانو امنیې قوماندان محمدیوسف جمالزي پر رنجر شوې ده.
سرچینو ویلي چې په پېښه کې څلور کسان ټپیان شوي هم دي.
د سرچینو په وینا، په دې چاودنه کې وژل شوي او ټپيان د مدرسې زدهکوونکي وو.
سرچینو زیاته کړې چې په موټر کې د نورستان امنیې قوماندان نه و؛ خو دوو وړو ماشومانو یې ژوند بایللی دی.
په ننګرهار کې د طالبانو امنیې قوماندانۍ ویاند عبدالبصیر زابلي هم د دې پېښې پخلی کړی دی.
نوموړي زیاته کړې چې چاودنه د ځای پر ځای شوي ماین لامله شوې او موخه یې رنجر موټر و.
هغه ویلي چې وژل شوي او ټپيان د مدرسې زدهکوونکي او استادان وو.
د زابلي په وینا، وژل شوي او ټپيان د نورستان اوسېدونکي دي او د دینې زدهکړو لپاره درهنور ولسوالۍ ته راغلي وو.
تر اوسه د دې پېښې مسوولیت چا یا کومې ډلې منلی نه دی.
