د ایران د بهرنیو چارو وزارت ویاند اسماعیل بقايي ویلي چې امریکا هر ځل د انرژۍ د نړیوالې بیې په لوړېدو سره بېرته د خبرو مېز ته راستنېږي.
بقايي دوشنبه د زمري پر ۵مه، ویلي چې امریکا د ایران پر وړاندې د امریکا او اسراییلو د ګډې جګړې له پیل وروسته داسې انګېرله چې اسلامي جمهوریت به «په درېیو ورځو کې ړنګ او تسلیم شي».
هغه زیاته کړې: «اوس څو میاشتې وروسته، امریکا خپله په دې وضعیت کې راګیر شوې او له دې سره سره پر خپلو اقداماتو ویاړي.»
د ایران د بهرنیو چارو وزارت ویاند ټینګار کړی چې د جګړې د دوام یا سولې په تړاو د تهران پرېکړه به د دغه هېواد د ملي ګټو پر بنسټ کېږي.
بقايي ټینګار کړی چې ایران به امریکا ته اجازه ورنه کړي چې د جګړې یا سولې وخت ورته وټاکي.
تر دې وړاندې هم بقايي ویلي وو چې د اسلامي جمهوریت اوسنی لومړیتوب د ایران د حاکمیت، ځمکنۍ بشپړتیا او خلکو دفاع ده، نه له امریکا سره خبرو کېښناستل.
