۸صبح، ننګرهار: د ننګرهار سیمهییزې سرچینې وايي چې د طالبانو د امربالمعروف او نهی عنالمنکر کارکوونکو په دغه ولایت کې د نارینهوو لږ تر لږه ۲۰ سلمانۍ تړلي او نایان (سلمانان) او مشتریان یې وهلي دي.
سرچینو ویلي چې د امربالمعروف او نهی عنالمنکر کارکوونکو پنجشنبه د وږي پر ۱۵مه د مشتریانو د ږیرې کمولو له کبله دا کار کړی دی.
سرچينو زياته کړې چې دا پېښه د ننګرهار مرکز جلالاباد ښار، سرخرود، بهسودو، غنيخېلو او کوزکونړ ولسواليو کې رامنځته شوې دي.
د سرچینو په وینا، د امربالمعروف او نهی عنالمنکر کارکوونکو لومړی د خلکو سپکاوی کړی او وروسته یې وهلي دي.
طالبانو تر اوسه په دې تړاو څه نه دي ويلي.
د طالبانو له خوا د نارینهوو د ویښتانو او ږیرې د کمولو له کبله د نایانو نیول کومه نوې خبره نه ده.
د وږي پر ۶مه په هرات کې هم د امر باالمعروف او نهی عنی المنکر ریاست کارکوونکو درې نایان د خلکو د ږیرې خریلو په تور ونیول او بندیان یې کړل.
