۸صبح، کابل: د امریکا ولسمشر جو بایډن د افغانستان نوم د خپل هېواد د غیرناټو متحدینو له نوملړه ایستلی دی.
سپینې ماڼۍ جمعه د تلې پر لومړۍ نېټه د دغه هېواد د بهرنیو چارو وزارت ته په یوه لیک کې د امریکا د متحدینو له نوملړه د افغانستان له ایستلو خبر ورکړی دی.
د امریکا د ولسمشر جو بایډن په یادداشت کې راغلي، چې د وسلو د صادراتو د کنټرول قانون له مخې د افغانستان نوم د امریکا د اصلي متحد په توګه ایستل شوی دی.
بایډن زیاته کړې: «هغو واکونو ته په پام سره، چې د اساسي قانون او د امریکا د قوانینو پر بنسټ د ولسمشر په توګه ماته راکړل شوي د ۱۹۶۱ بهرنیو مرستو د ۵۱۷ مادې له هغې جملې د (۲۲ U.S.C. ۲۳۲1k) اصلاحي قانون پایته رسوم.»
په دغه یادداشت کې د بهرنیو چارو وزارت ته د دې موضوع د خپرولو امر د بایډن له خوا صادر شوی دی.
له دې مخکې جو بایډن کانګرس ته په یوه لیک کې غوښتنه کړې وه، چې د افغانستان نوم د امریکا د غیرناټو متحدینو له نوملړه وایستل شي.