۸صبح، کابل: د امریکا پخواني ولسمشر جو بایډن له افغانستانه د امریکايي ځواکونو د وتلو پرېکړه سمه بللې ده.
وال سټریټ ژورنال ورځپاڼې یکشنبه د لړم پر ۲۴مه له افغانستانه د امریکايي ځواکونو د وتلو ځینې روایتونه خپاره کړي دي.
بایډن په دغه کتاب کې لیکلي: «د افغانستان د جګړې پای ته رسول سم کار و.»
نوموړي ویلي چې هغه ته ډاډ ورکړل شوی و چې افغان دولت به د امریکايي ځواکونو له وتلو وروسته هم په خپلواکه توګه خپلو چارو دوام ورکړي.
خو دا دولت د ۲۰۲۱ کال د اګست پر ۱۵مه د امریکايي ځواکونو له وتلو سره سم وپرځېد.
بایډن زیاته کړې چې د ځواکونو د وتلو پرېکړه یې په حکومت کې له مخالفتونو سره مخ وه.
د نوموړي په خبره، د وخت دفاع وزیر لوید استین او د دغه هېواد لوی درستیز مارک میلي د دې پرېکړې له پایلو اندېښنه ښودلې وه.
ټاکل شوې چې د بایډن د خاطراتو کتاب «ما سره ژمنه وکړه، امریکا(Promise Me, America )»، سبا خپور شي.






