سپينې ماڼۍ اعلان کړی، چې د امریکا ولسمشر جو بایډن به له کانګرس څخه د اوکراین د مالي ملاتړ لپاره ۱۱.۷ میلیارد ډالر او د مړینې د احتمالي موردونو له زیاتېدو مخکې له کووېډ ـ ۱۹ سره د مبارزې لپاره د ۲۲.۴ میلیارد ډالرو بېړنۍ بودیجې غوښتنه وکړي.
رویټرز جمعه د اګسټ پر دویمه د سپینې ماڼۍ د مالي او اداري مدیرې شالاندا یانګ له قوله راپور ورکړی، چې د بېړنۍ مالي مرستې په غوښتنه کې به هغه دوه میلیارد ډالره شامل شي چې د امریکا د انرژۍ پر سرچینو د اوکراین جګړې د منفي اغېزې لپاره په پام کې نیول شوې دي.
کانګرس نه د بایډن د پیسو غوښتنه به د مالي کال له پایته رسېدو مخکې د سپتمبر پر ۳۰ پلې شي.
کانګرس تر اوسه د ۲۰۲۳ بودیجې لایحه نه ده تصویب کړې.
یانګ زیاته کړې، چې د سپینې ماڼۍ غوښتنې د «دوامداره پرېکړه لیک» یا «سي ار» د درولو لپاره بلل شوې ده، ۹.۳ میلیارد ډالر له بېزو تڼاکې ناروغۍ سره د مبارزې او ۵.۶ میلیارډ ډالر د طبیعي پېښو له زیانمنو سره مرستې لپاره په پام کې نیول شوي دي.
«سي ار» قانون کولای شي د کانګرس لپاره یوه لاره برابرکړه کړي ترڅو د بایډن بیړنۍ غوښتنې پلې کړي.
تمه کېږي کانګرس د سپتمبر تر ۳۰ ترڅو قانون جوړونکي د دوبي له رخصتیو راستنېږي د «سي ار» پر بحثونو بوخت وي. له همدې امله ښایي دولت له سپتمبر وروسته په بشپړ ډول فعال پاتې شي.