۸صبح، ننګرهار: د ننګرهار ځايي سرچینې خبر ورکوي چې په دغه ولایت کې د یو طالب جنیګالي مړی موندل شوی دی.
سرچینو شنبه د مرغومې پر ۲۲مه ۸صبح ورځپاڼې ته ویلي چې د دې طالب جنګیالي مړی تېره ورځ د ننګرهار د خوږیاڼو ولسوالۍ د «وزیرو تنګي» په سیمه کې موندل شوی دی.
د سرچینو د معلوماتو له مخې، وژل شوی طالب جنیګالی په «بورا» مشهور و.
سرچینو زیاته کړې، نوموړی طالب جنګیالی څو ورځې مخکې له خپل کوره ایستل شوی و چې تېره ورځ یې په بوجۍ کې اچول شوی مړی موندل شوی دی.
د دې پېښې مسوولیت تر اوسه چا منلی نه دی.
په ننګرهار کې طالب مسوولانو هم د دې پېښه اړه څه ویلي نهدي.
دا په داسې حال کې ده چې څه موده وړاندې د ننګرهار په ګوشتې ولسوالۍ کې ناڅرګنده وسلهوالو دوه طالب جنګیالي وژلي وو او له هغوی یې موټرسایکل او وسلې هم له ځان سره وړې وې.
