د بريټانیا دولت د طالبانو له خوا په روغتیايي انسټیټوټونو کې د نجونو پر زدهکړو بنديز «ظالمانه» بللی او ويلي يې دي چې دې پرېکړې ته ډېر اندېښمن دی.
د بریټانیا دولت جمعه د لیندۍ پر ۱۶مه، د یو خپاره کړي بیان له مخې د طالبانو پر دې پرېکړې اندېښنه ښودلې ده.
د بریټانیا دولت په بیان کې د طالبانو حاکمیت يو «ستمګر رژيم» او په روغتیايي انسټیټوټونو کې د نجونو او ښځو زدهکړې په افغانستان کې د هغوی لپاره د زدهکړو وروستى چانس بلل شوى چې پر دې هم طالبانو بندیز ولګاوه.
په بیان کې راغلي دي: «دا ډول ظالمانه سیاستونه به د ښځو او ماشومانو لپاره د روغتیايي خوندیتوب د وړاندې کولو چارې ټکنۍ کړي. موږ له طالبانو څخه جدي غوښتنه کوو چې د ښځو لپاره طبي زدهکړو ته د لاسرسي اجازه ورکړي.»
د بریټانیا دولت زياته کړې چې نړیواله ټولنه باید د طالبانو د دوامداره بندیزونو پر وړاندې په خپل قاطع مخالفت کې متحد پاتې شي.
طالبانو د نجونو او ښځو پر وړاندې د محدودیتونو په دوام په خپله وروستۍ پرېکړه کې نجونې په روغتیايي انسټیټوټونو کې له زدهکړو راګرځولې دي.
دغې پرېکړې پراخ غبرګونونه راپارولي دي.
تازه اکسفورډ پوهنتون ویلي چې په افغانستان کې د ښځو له حقونو د سرغړونې په هکله یوه غونډه جوړوي.
دا غونډه د پوهنتون د ښځو د حقونو (WRN) شبکې له خوا جوړه شوې ده.
