کاناډایۍ شاعره او لیکواله د «زړورو او نوښتګرو» اثارو له امله چې له کلاسیک روایت سره په زړه پورې تعامل کې یې د معاصرو ادبیاتو لپاره نوې بڼه رامنځته کړې، د نوبل سږنۍ جایزه یې ګټلې ده.
رویټرز پنجشنبه د اکتوبر پر ۸مه راپور ورکړی چې د دغې جایزې ارزښت ۱۲ میلیونه سویډني کرونه چې شاوخوا ۱.۲ میلیونه ډالر کېږي، دی.
د کارسن اثار د شعر، نثر، مرکو او ژباړې ترکیب دی او د لرغوني یوناني ادبیاتو او اسطورو یې پر لیکنو ژور اغېز کړی دی.
نوموړې په ځانګړي ډول د لرغوني یونان د ادبي اثارو پر ژباړې مشهوره ده.
کارسن د سږنۍ جایزې مهمه نومانده ګڼل کېده او د ارنسټ هېمینګوې، الیس مونرو او الکساندر سولژنیتسین په څېر د نوبل جایزې د ګټونکو مشهورو لیکوالانو په کتار کې راغلې ده.
د نوبل ادبیاتو جایزه له ۱۹۰۱ کال راهیسې د نړۍ د بېلابېلو هېوادونو مشهورو لیکوالانو ته ورکړل شوې او تېر کال د هنګري لیکوال لاسلو کراسناهورکايي یې ګټونکی شو.
