د امریکا مرکزي قوماندانۍ (سېنټکام) خبر ورکړی چې د ایران د بندرونو د کلابندې له بیا پیل وروسته یې په هرمز تنګي کې د ۳۵ سوداګریزو بېړیو لوری بدل کړی دی.
سېنټکام یکشنبه د اګست پر ۲مه ویلي چې د امریکا پوځي ځواکونو دوه بېړۍ له کاره غورځولې او دوه نورې یې پلټلې دي.
نوموړې قوماندانۍ د دغو بېړیو په اړه نور جزییات نه دي ورکړي.
هرمز تنګی په نړۍ کې مهمه سمندري لار ده او د منځني ختیځ ډېر تېل او ګاز ترې تېرېږي.
په وروستیو میاشتو کې د ایران او امریکا ترمنځ کړکېچ په نړیواله کچه د انرژۍ بازار اغېزمن کړی دی.
