۸صبح، کابل: چین اعلان کړی چې له افغاستان سره نږدې اووه میلیونه ډالر بشردوستانه مرسته کوي څو د دغه هېواد په ختیځ کې د زلزلهځپلو بېړنۍ اړتیاوې پوره شي.
اناتولي خبري اژانس پنجشبنه د وږي پر ۱۳مه راپور ورکړی چې د چین د نړیوالو همکاریو د پراختیا سازمان ویاند لي مینګ اعلان کړی چې په دې مرستو کې خیمې، کمپلې او خوراکي توکي دي چې په زلزلهځپلو سیمو کې شدیده اړتیا ورته ده.
دا مرسته داسې مهال شوې چې په کونړ او ننګرهار کې د وروستۍ زلزلې په پایله کې د مړو شمېر له دوو زرو اوښتی او ټپيان هم درېیو زرو او ۶۴۰ کسانو پورې رسېدلي.
بشردوستانه سازمانونو خبرداری ورکړی چې ویجاړۍ ته په پام د بحران له پراخېدو د مخنیوي لپاره نړیوال بېړني ملاتړ ته اړتیا ده.
له دې وړاندې ځینو نورو ګاونډیو هېوادونو هم د کونړ زلزله ځپلو ته مرستې استولې دي.
