۸صبح، کابل: د چین د بهرنیو چارو ویاند لین جیان اعلان کړی چې هېواد یې د افغانستان زلزلهځپلو سیمو ته د اوو میلیونو ډالرو په ارزښت بشري مرسته ځانګړې کړې چې د لومړۍ جوپې لېږد یې پیل شوی دی.
جیان دوشنبه د وږي پر ۱۷مه یوې خبري ناستې ته ویلي چې په دې جوپه کې خیمې، کمپلې، خوراکي او نور اړین توکي دي چې په راتلونکو ورځو کې به د افغانستان د ختیځو بېلابېلو زلزلهځپلو سیمو ته ولېږدول شي.
د چین د بهرنیو چارو وزارت ویاند زیاته کړې چې دا مرسته د دواړو هېوادونو ترمنځ د دوستانه او ستراتيژیکو همکاریو په دوام کېږي او موخه یې له بیارغونې سره مرسته او د زلزلهځپلو لاسنیوی دی.
د چین سفارت، چینايي بنسټونو او په افغانستان کې د چینایانو ټولنې هم د دغو مرستو په راټولولو او لېږلو کې ونډه لرلې او د چین سرې میاشتې ټولنې د زلزلهځپلو د ملاتړ لپاره نغدي مرسته برابره کړې ده.
