په منځني ختیځ کې د امریکا متحده ایالتونو ځواکونه د ایران پر وړاندې تازه او احتمالا پراخو پوځي عملیاتو پیلولو ته چمتو دي.
سياېناېن دوشنبه د اکټوبر په ۲۶مه، راپور ورکړی چې د امریکا ځواکونه کولای شي د دغه هېواد د ولسمشر له امر ترلاسه کولو وروسته، په ۹۶ ساعتونو کې د ایران پر وړاندې پوځي عملیات پیل کړي.
دې رسنۍ د باخبره سرچینو په حواله راپور ورکړی چې اوسمهال په سیمه کې د امریکا کافي ځواکونه ځای پر ځای شوي دي، څو احتمالي بریدونه ترسره کړي.
د سرچینو په وینا، د احتمالي تازه عملیاتو لمن ښايي د ایران پر رادارونو، توغندي توغوونکو دستګاوو او نورو پوځي تجهیزاتو تر بریدونو پراخه وي.
خو د احتمالي عملیاتو د پیل کره وخت لا نه دی معلوم او تر اوسه د امریکا د ولسمشر ډونالډ ټرمپ له لوري د برید امر نه دی تایید شوی.
