۸صبح، کابل: «د سولې او عدالت ملي غورځنګ» په نوم د سیاسي بهیر د موجودیت له اعلانه یوه ورځ وروسته د افغانستان د مخکیني ولسمشر مرستیال دغه سیاسي بهیر ته په اشارې ویلي، چې د طالبانو مخالفې ډلې د یو ځای کېدو په حال کې دي.
د مخکیني ولسمشر دویم مرستیال سرور دانش یکشنبه د تلې پر ۲۴ پر خپله فېسبوکپاڼه د یوه یادداشت په خپرولو لیکلي، چې د نویو سیاسي بهیرونو رامنځته کېدل استبدادي واکمنۍ ته د نه تسلیمېدو په مانا ده.
د دانش په وینا دې ته پام له پرته، چې د تازه رامنځته شویو ډلو دریځ، استراتیژي او کړنلاره څه ده، څوک پکې غړیتوب لري او له کومه ځایه یې ملاتړ کېږي د طالبانو ضد ډلو د جوړېدو موخه مهمه دی.
د مخکینی ولسمشر مرستیال همداراز ټینګار کړی، چې طالبان د افغانستان د سیاسي ځواک له ملاتړ څخه بېبرخې دي.
د ویلو ده، چې «د سولې او عدالت ملي حرکت» شنبه د تلې پر ۲۳ د حنیف اتمر او معصوم ستانکزي په مشرۍ له افغانستانه بهر د لسګونه سیاسي څېرو په حضور خپل موجودیت اعلان کړ.
