۸صبح، کابل: د ملګرو ملتونو ملتونو د سرمنشي ویاند سټيفن دوجاریک وايي چې د روان میلادي کال له پیله تر اوسه د افغانستان په ختیځ کې له جګړو پاتې مهماتو د چاودونو ۶۴ پېښې ثبت شوې چې له کبله یې ۶۴ ملکیانو ته مرګ ژوبله اوښتې ده.
دوجاریک یوې خبري ناستې ته ویلي چې افغانستان لا هم د ناچاودو مهماتو له امله د ډېرو تلفاتو لرونکو هېوادونو له ډلې دی.
د ملګرو ملتونو ویاند زیاته کړې چې په افغانستان کې له جګړو پاتې ناچاوده توکي لا هم ملکیانو په ځانګړې توګه ماشومانو ته جدي ګواښ ګڼل کېږي.
د دوجاریک په خبره، ملګري ملتونه او شریکان یې د چاودېدونکو توکو د ګواښونو په اړه د پوهاوي، د ککړو سیمو د پاکولو او له زیانمنو ټولنو سره د مرستې په برخه کې فعالیت کوي؛ خو د بودیجې سخت کمښت پر دغو فعالیتونو اغېز کړی دی.
