ایران د څه باندې شپږو میاشتو جګړو له امله د اوښتو زیانونو کچه ۲۷۰ میلیارد ډالره اټکل کړې او هممهاله یې د دغه هېواد پر اوسېدونکو د اقتصادي فشارونو له زیاتېدو خبر ورکړی دی.
الجزیرې چهارشنبه د سپټمبر پر ۲۳مه راپور ورکړی چې په ایران کې د تورم کچه ۶۵ سلنه او د خوراکي توکو بیې هم ۱۲۸ سلنه لوړې شوې دي.
د راپور له مخې، په فبرورۍ کې له امریکا او اسراییل سره د جګړې له پیله، د ایران د پیسو ارزښت هم لوېدلی او یو امریکايي ډالر شاوخوا دوو میلیونو ریالو ته رسېدلی دی.
ورته مهال د تهران ښاروالۍ اعلان کړی چې په دغه ښار کې د جګړې له کبله څه باندې ۵۰ زرو کورونو زیان لیدلی دی.
ښوونځي او روغتیايي مرکزونه هم زیانمن شوي دي.
په فبرورۍ میاشت کې له ایران سره د امریکا او اسراییلو له جګړې وروسته پر ایران د اقتصادي فشارونو کچه لوړه شوې ده.
