د ترکیې ولسمشر رجب طیب اردوغان ویلي چې دا هېواد په دفاعي صنعت کې یو «بشپړ انقلاب» رامنځته کوي.
اناتولي خبري اژانس شنبه د نومبر پر ۳مه راپور ورکړی چې اردوغان ویلي ترکیه به په دفاعي صنعت کې خپلو بریاوو ته دوام ورکړي او خپلې لاسته راوړنې پراخوي.
نوموړي زیاته کړې چې که غوښتنه ترې وشي، د ملګرو هېوادونو دفاعي اړتیاوې به هم پوره کړي.
د ترکیې ولسمشر ویلي: «کله چې هغوی غوښتنه وکړي، موږ به هم د خپلو ملګرو دفاعي اړتیاوې پوره کړو. موږ باوري یو چې څومره مو ملګري ځواکمن وي، هغومره به ځواکمن اوسو.»
اردوغان زیاته کړې چې ترکیه به د نوو ریکارډونو په ثبتولو او د پرمختللو پلاټفورمونو په پراختیا هڅه وکړي چې د دفاعي صنعت په برخه کې خپل ځای ځایګی نور هم پیاوړی کړي.
