اروپايي کمېسیون وايي، د رسنیو له ازادۍ پرته ډیموکراسي نه شته او د خبریالانو پر وړاندې د جرمونو د عاملانو مصونیت دې پای ته ورسېږي.
نوموړي کمېسیون دوشنبه د نومبر پر ۲مه په اېکس پاڼه کې لیکلي چې د خبریالانو پر وړاندې د جرمونو مصونیت د پای ته رسولو نړیوالې ورځې په مناسبت د هغو ترڅنګ ولاړ دی چې «د واک خاوندانو ته حقیقت بیانوي».
اروپايي کمېسیون زیاته کړې چې د نړۍ په بېلابېلو برخو کې خبریالان وژل کېږي، شکنجه کېږي، ځورول کېږي او نیول کېږي او ان ځینې یې اړ کېږي چې هېواد پرېږدي او جلاوطني غوره کړي.
یاد کمېسیون ټینګار کړی چې د خبریالانو پر وړاندې د تاوتریخوالي د عاملانو د مجازاتو مصونیت دې سملاسي پای ته ورسېږي.
