۸صبح، کابل: په افغانستان کې د اروپايي ټولنې استازولي وايي چې ورزش د ځوانانو پر روغتیا، هوساینې، رواني روغتیا او راتلونکې پانګونه ګڼل کېږي.
نوموړي بنسټ یکشنبه د چنګاښ پر ۲۸مه په اېکس کې لیکلي چې په بامیان کې د ځوانانو په غوښتنه د اقاخان بنسټ په همکارۍ د والیبال میدان جوړ شوی دی.
دا په داسې حال کې ده چې د طالبانو له واکمنېدو وروسته د نجونو او ښځو پر ورزش بندیز لګېدلی او په ورزشي فعالیتونو او سیالیو کې له حضوره راګرځول شوې دي.
دا بندیز د نړیوالو او د بشري حقونو د بنسټونو له پراخې نیوکې سره مخ شوی او د لغوه کېدو غوښتنه یې کړې ده.
