۸صبح، خوست: د خوست په شیخ زاید تدریسي روغتون کې ازموینه اخیستل شوې او طالبانو له ۶۰ ګډون کوونکو نجونو څخه یوازې یوه یې بریالۍ اعلان کړې ده.
هغه اسناد چې چهارشنبه د زمري پر ۱۷مه ۸صبح ورځپاڼې ته رسېدلي څرګندوي چې په دې ازموینه کې لږترلږه ۱۰۰ کسانو ګډون کړی و او د دوی ترمنځ ۶۰ یې نجونې وې.
دا اسناد ښيي چې پاتې نجونې د طالبانو له خوا په دې ازموینه کې «ناکامې» اعلان شوې دي.
د مریم (مسعار نوم) یوې ګډوانوالې ۸صبح ورځپاڼې ته ویلي چې طالبان د نجونو پرمختګ نه غواړي، نو ځکه یې له مخې ټولې ناکامې اعلان کړې دي.
نوموړې زیاتوي: «طالبان د نجونو پرمختګ نه شي زغملای. دوی په هر ځای کې د نجونو مخه نیسي، له ښوونځي، پوهنتون او کار څخه یې منع کوي. دوی اوس د روغتونونو له ازموینې هم مونږ لېرې کوي او د سیاسي پلان ښکار یې ګرځو.»
بل خوا په دې ازموينه کې يو شمېر ځوانانو هم په اداري برخه کې نوم ليکنه کړې وه چې يو يې هم نه دی بریالی شوی.
د دې ځوانانو په خبره، دوی د «واسطې او فساد» له کبله ونه شو کړای چې بریالي شي.
طالبانو تر اوسه په دې تړاو څه نه دي ویلي.
شاوخوا درې کاله وشول چې طالبان پر افغانستان واکمني کوي، خو په دې موده کې یې نجونې د ښوونځي او پوهنتون له زدهکړو بې برخې کړي دي.
