نړیوالو رسنیو راپور ورکړی چې په مسکو کې د یوې چاودنې پرمهال د روسیې د اټومي دفاعي ځواکونو رئیس جنرال لفتنانت ایګور کریلوف وژل شوی دی.
بيبيسي خبري شبکې راپور ورکړی چې دا روسی جنرال سهشنبه د ډېسمبر پر ۱۷مه خپلې استوګنیزې ودانۍ ته څېرمه د یوې شبکې د چاودنې په ترڅ کې وژل شوی دی.
د معلوماتو پر بنسټ، په دې چاودنه کې د نوموړي جنرال یاور هم وژل شوی دی.
له دې مخکې بریټانیا پر یاد جنرال بندیزونه لګولي وو او زیاته کړې یې وه چې هغه په اوکراین کې د کیمیاوي وسلو کارونې د څار دنده پر غاړه لري.
دا په داسې حال کې ده چې تېره ورځ د اوکراین امنیتي ادارې په خپلې ټېلیګرامپاڼې نوموړی روسی جنرال د کیمیاوي وسلو پر کارونې تورن کړی و.
د دې چاودنې مسووليت تر اوسه کوم کس یا ډلې نه دی منلی.
