۸صبح، کابل: د طالبانو ویاند ذبیحالله مجاهد ویلي چې روسیې ته د انارو له وروسته د مڼو صادرات هم پیل شوي دي.
مجاهد سهشنبه د لړم پر ۱۳مه په خپله اېکس پاڼه کې لیکلي چې په دې سره به افغان بڼوال د خپلو میوو لپاره د خرڅلاو نوی او ښه مارکېټ ومومي.
نوموړي زیاته کړې: «له انارو وروسته روسیې ته د مڼو صادراتو پیلېدل یو ښه او مثمر ګام دی.»
روسیې ته له هغې وروسته د افغانستان د میوو صادرات پیل شوي چې له پاکستان سره ترانزیټي لارې د طالبانو او اسلاماباد ترمنځ له نښتو وروسته وتړل شوې.
