۸صبح، کابل: په ملګرو ملتونو کې د افغانستان د دایمي استازولۍ سرپرست نصیر احمد فایق د دغه سازمان د غړیتوب د ۸۰مې کلیزې په مناسبت د یوې غونډې د جوړېدو خبر ورکړی دی.
نصیر احمد فایق دوشنبه د لړم پر ۲۵مه، په ډاګه کړې چې دغه غونډه به په نیویارک، جينوا او ویانا کې د افغانستان د دایمي استازولیو له خوا په ګډه جوړه شي.
دا غونډه به د ۲۰۲۶ کال د نومبر پر ۱۸مه د چهارشنبې په ورځ په انلاین او ژوندۍ بڼه جوړه شي.
د هغه په وینا، دغه پروګرام به د «افغانستان او ملګري ملتونه؛ د تعامل، مشارکت او راتلونکي لپاره د زدهکړو اته لسیزې» تر سرلیک لاندې جوړ شي.
فایق زیاته کړې چې په دې غونډه کې به په ملګرو ملتونو کې د افغانستان د حضور او مشارکت تاریخ، د دغه هېواد د ډیپلوماټانو تجربې او په افغانستان کې د ملګرو ملتونو رول وڅېړل شي.
فایق ویلي چې دغه غونډه به د افغانانو د غږ د انعکاس او د سولې، بشري کرامت، برابرۍ او غوره راتلونکي لپاره د هغوی پر هیلو د ټینګار زمینه برابره کړي.
افغانستان د ۱۹۴۶ کال د نومبر پر ۱۹مه د ملګرو ملتونو غړیتوب ترلاسه کړ او سږ کال په دغه سازمان کې د افغانستان د غړیتوب ۸۰مه کلیزه نمانځل کېږي.






