۸صبح، کابل: په ملګرو ملتونو کې د افغانستان د دایمي استازولۍ سرپرست نصیراحمد فایق وايي چې له زدهکړو د نجونو محرومیت او د هلکانو لپاره ښوونیز محدودیتونه، له یو نسل سره خیانت او د افغانستان راتلونکې ته ګوزار دی.
فایق سهشنبه د لړم پر ۱۹مه په اېکس پاڼه کې د علم د نړیوالې ورځې په مناسبت لیکلي، په داسې حال کې چې نړۍ د علم، ټيکنالوژۍ او مصنوعي ځیرکتیا په برخو کې په چټکۍ پرمختګ کوي، میلیونونه افغانې نجونې د زدهکړو له حقه محرومې دي.
نوموړي زیاته کړې چې هلکان هم د نوینو علومو، مدني زدهکړو او انتقادي تفکر په برخو کې له زیاتېدونکو محدودیتونو سره مخ دي.
په ملګرو ملتونو کې د افغانستان د دایمي استازولۍ سرپرست ټینګار کړی چې له زدهکړو د نجونو محرومول، یوازې له بشري حقونو سرغړونه نه ده، بلکې له یوه بشپړ نسل سره خیانت او د افغانانو پر وړاندې بېعدالتي ده.
فایق ویلي، افغانستان پوهانو، مفکرانو او نوښتګرو ته اړتیا لري، نه هغه نسل ته چې له پوهې محروم او د ایډیالوژیکو تلقینونو تر اغېز لاندې وي.
نوموړي زدهکړې بنسټيز بشري حق او د بېوزلۍ، تړلتیا او وروسته پاتېوالي پر وړاندې د مبارزې کیلي بللې او ټینګار یې کړی چې هېڅ هېواد خپل ځوانان له زدهکړو په محرومولو پرمختګ او هوساینې ته نه شي رسېدای.
