د روسیې دفاع وزارت ویلي چې د دغه هېواد هوايي دفاعي سیسټمونو بیګا شپه په بېلابېلو سیمو کې د اوکرایین ۱۵۵ بېپیلوټه الوتکې له منځه وړې دي.
تاس خبري اژانس سهشنبه د نومبر پر ۱۰مه راپور ورکړی چې د دغو بریدونو پر مهال د سمولنسک په سیمه کې یو کس ټپي شوی او په نووګورود سیمه کې صنعتي تاسیسات او دوه کورونه زیانمن شوي دي.
د راپور له مخې، اوکراییني بېپیلوټه الوتکې د نووګورود، بریانسک، بلګورود، کورسک، کالوګا، اوریول، سمولنسک او کراسنودار سیمو او همدارنګه د کریمه پر فضا نسکورې شوې دي.
د سمولنسک والي واسیلي انوخین ویلي چې د روسیې هوايي دفاعي ځواکونو په سیمه کې ۴۳ بېپیلوټه الوتکې له منځه وړې دي.
د روسیې او اوکرایین ترمنځ کړکېچ لا دوام لري او د دواړو ترمنځ د جګړې د پای ته رسولو لپاره د سولې هڅو کومه پایله ورکړې نه ده.
