۸صبح، کابل: په ملګرو ملتونو کې د افغانستان د استازولۍ سرپرست نصیراحمد فایق ویلي، چې په افغانستان کې د جنسي تېریو، مرموزو وژنو، له محکمې پرته اعدامونو او جبري ودونو اندېښمنوونکې زیاتوالی د طالبانو تر واک لاندې د معافیت د کلتور د پراخېدو پایله ده.
فایق دوشنبه د چنګاښ پر ۲۲مه، پر خپله اېکسپاڼه کې لیکلي، چې ریښتینی امنیت یوازې د جګړې او وسله والې نښتې نشتوالی نه دی.
هغه ویلي، امنیت هغه مهال تأمینېږي چې خلک د قانون د حاکمیت، عدالت او حسابورکونې تر سیوري لاندې، د وژنې، جنسي تېري، تښتونې او تاوتریخوالي له وېرې پرته ژوند وکړای شي.
افغانستان نن تر بل هر وخت له دا ډول امنیته بېبرخې دی او ښځې، ماشومان او نور ملکي وګړي یې تر ټولو درنه بیه پرې کوي.»
دا په داسې حال کې ده، چې د امنیت د ټینګښت په تړاو د طالبانو له ادعا سره سره، د دوی د بیا واکمنۍ په پنځو کلونو کې د افغانستان له بېلابېلو سیمو د وژنو، جنسي تېریو، غلاوو، تښتونو او مرموزو لادرکه کیدو د لسګونه پېښو راپورونه خپاره شوي دي.
