۸صبح، بلخ: ځايي سرچینې وايي، په مزارشریف کې په یوه سوداګریز مارکېټ کې د اورلګېدنې له امله پراخ مالي زیانونه اوښتي دي.
سرچینو شنبه د لړم پر ۹مه، له ۸صبح ورځپاڼې سره په خبرو کې ویلي چې دغه اورلګېدنه د جمعې په ورځ د مزارشریف ښار په سويلي برخه کې رامنځته شوې ده.
د سرچینو په وینا، د دې اورلګېدنې له امله د باختر تر ځمکې لاندې سوداګریز مارکېټ تر ۲۰۰ ډېر دوکانونه سوځېدلي دي.
ویل کېږي چې د برېښنا د مزو شارټي د اورلګېدنې لامل شوې ده. د ځینو دوکاندارانو په خبره، هغوی په دې پېښه کې خپله ټوله شتمني له لاسه ورکړې ده.
خو تر اوسه د دغې اورلګېدنې د مالي زیانونو او احتمالي مرګژوبلې په اړه کره معلومات نه دي خپاره شوي.
