د شانګهای همکارۍ سازمان د ملي همغږي کوونکو شورا لومړۍ غونډه نن په اسلاماباد کې جوړېږي.
د پاکستان د بهرنیو چارو وزارت شنبه د سپتمبر پر ۲۷مه، اعلان کړی چې ملي همغږي کوونکي به په دې غونډه کې د سازمان د همکاریو، د پاکستان د مشرۍ د دورې د پروګرامونو او د راتلونکو غونډو او پېښو لپاره د چمتووالي په اړه خبرې اترې وکړي.
د پاکستان د بهرنیو چارو وزارت په وینا، دا غونډه په ۲۰۲۶ او ۲۰۲۷ کلونو کې د پاکستان په مشرۍ د شانګهای د همکاریو سازمان د هېوادونو د مشرانو شورا په اډانه کې ترسره کېږي.
پاکستان اعلان کړی چې د شانګهای همکاریو سازمان د مشرۍ په دوره کې به د سیمهییزو اړیکو او همکاریو پر پیاوړتیا، د نوښت پر ترویج، د اقتصادي همکاریو پر پراختیا او د غړیو هېوادونو د خلکو ترمنځ د اړیکو پر ټینګښت تمرکز وکړي.
پاکستان د دغه سازمان مشري د «پر اقدام د لرلید بدول: نښلول، نوښت او ګډه هوساینه» تر شعار لاندې مخ ته وړي.
تر دې وړاندې، د پاکستان لومړي وزیر، شهباز شریف ویلي وو چې د قرغزستان په پلازمېنه بشکیک کې د شانګهاید همکاریو سازمان د مشرانو شورا د غونډې له پای ته رسېدو وروسته، د دغه سازمان مشري پاکستان ته وسپارل شوې ده.
شهباز شریف ویلي وو چې پاکستان د ۲۰۲۷ کال لپاره د شانګهای د همکاریو سازمان مشرۍ پر غاړه اخیستې ده.
