۸صبح، کابل: د طالبانو مرستیال ویاند حمدالله فطرت خبر ورکړی چې پرون ۲۱۹ افغان کورنۍ چې ۹۱۷ کسان کېږي، د تورخم، ورېښمین پله، سپین بولدک او اسلام کلا له لارو راغلې دي.
فطرت شنبه د تلې پر ۱۱مه ویلي چې ۵۸ کورنۍ چې ۲۶۳ کسان کېږي، د تورخم له لارې افغانستان ته راستنې شوې دي.
د نوموړي په خبره، ۱۲۴ کورنۍ چې ۵۵۵ کسان کېږي، په نیمروز کې د ورېښمین پله له لارې راغلې دي.
فطرت زیاته کړې چې ۹۴ کسان بیا د سپین بولدک له لارې هېواد ته راستانه شوي دي.
همدارنګه ۱۸ کورنۍ د هرات د اسلامکلا له لارې افغانستان ته راستنې شوې دي.
د یادونې ده چې له ګاونډیو هېوادونو د افغانانو د راستنېدو لړۍ دوام لري.
