نړیوالو رسنیو راپور ورکړی چې په اسپانیا کې ورښتونو او سېلابونو لږ تر لږه ۶۲ کسان مړه کړي دي.
رویټرز چهارشنبه د اکتوبر پر ۳۰مه راپور ورکړی چې سېلابونه پرون په ختیځ ویلېنسیا کې راوتلي او ډېرې سیمې یې لاندې کړې دي.
د راپور له مخې، ژغورنډلې هڅه کوي چې ځانونه له لاسرسي لریو سیمو ته ورسوي او ایسار کسان وژغوري.
د اسپانیا لومړي وزیر پدرو سانچز دا یوه غمجنه پېښه بللې او ژمنه یې کړې چې ویجاړ شوي پلونه، سړکونه او کورونه رغوي.
په راپور کې راغلي چې ځینو لرې پرتو سیمو ته مرستې رسېدلې دي.
د اسپانویي چارواکو په خبره، د بارسلونا او مادرید په ښارونو کې اورګاډي درېدلي او ښوونځي هم ځنډول شوي دي.
د یادونې ده چې په اسپانیا کې له دې وړاندې هم مرګوني سېلابونه راوتلي وو.
