۸صبح، کابل: د خوړو نړیوال پروګرام یا ډبیلواېفپي وايي چې د روان کال له پېل راهیسې د طالبانو تر واک لاندې افغانستان کې نږدې څلور میلیونه کسانو نغدې پیسې ترلاسه کړي دي.
نوموړي بنسټ یکشنبه د تلې پر ۱۵مه په اېکسپاڼه کې لیکلي چې د دې مرستو نیمایي ترلاسهکوونکي ښځې دي.
د خوړو نړیوال پروګرام زیاته کړې: « دا [نغدې پیسې] هغوی ته دا ځواک ورکوي ترڅو پر هغه څه یې ولګوي چې کورنۍ یې ورته اړتیا لري.»
د یادونې ده چې پر افغانستان واک ته د طالبانو له رسېدو وروسته دغې ډلې د ښځو پر وړاندې د نورو محدودیتونو تر څنګ د کار له حقه هم بې برخې کړي دي.
دا په داسې حال کې ده چې تېره اوونۍ د خوړو نړیوال پروګرام اعلان کړی و چې د طالبانو تر واک لاندې افغانستان کې ښځې د ګټېوټې ډېر کم فرصتونه لري.
د خوړو نړیوال پروګرام ویلي و چې دا بنسټ له زرو افغان ښځو سره مرسته کوي.
