۸صبح، کابل: د طالبانو مرستیال ویاند حمدالله فطرت ویلي چې پرون ۲۰۲ افغانې کورنۍ چې ۸۶۰ کسان کېږي، له بېلابېلو لارو افغانستان ته اړول شوې دي.
فطرت سهشنبه د تلې پر ۱۴مه خبر ورکړی ۱۲۵ کورنۍ چې ۵۲۵ کسان کېږي، د نیمروز له لارې راغلې دي.
د نوموړي په خبره، ۴۴ کورنۍ د تورخم، اته د سپین بولدک او ۲۵ نورې بیا د اسلامکلا له لارې راستنې شوې دي.
د کډوالو راستنېدل داسې مهال دوام لري چې د ژمي د نږدې کېدو له امله بېرته راستنېدونکې کورنۍ له بېلابېلو ستونزو په ځانګړې توګه د سرپناه له نشتوالي او د لومړنیو امکاناتو له کمښت سره مخ دي.
له بلې خوا، خوراکي توکو، روغتیايي خدماتو، د څښاک اوبو او مناسبې سرپناه ته اړتیا هغه ننګونې دي دي چې په وروستیو میاشتو کې هېواد ته راستنې شوې کورنۍ ورسره مخ دي.
