۸صبح، کابل: د ملګرو ملتونو د ښځو څانګې د اجرائیوي مديرې مرستیالې نایارادزای ګومبونزواندا خبرداری ورکړی چې افغانستان په نړۍ کې د ښځو د حقونو له تر ټولو سخت ناورین سره مخ دی او نجونې له زدهکړو بېبرخې دي.
نوموړې دغه څرګندونې دوشنبه د لړم پر۴مه، په نیویارک کې د ملګرو ملتونو په مرکزي دفتر کې د ښځو، سولې او امنیت په اړه یوې غونډې ته کړې دي.
ګومبونزواندا په دې غونډه کې د جګړهځپلو سیمو د ښځو د وضعیت، په شخړو پورې اړوند د جنسي تاوتریخوالي د زیاتېدو، د سولې په بهیرونو کې د ښځو د رول او د سولې په خبرو اترو کې د هغوی د ګډون د اړتیا په اړه خبرې کړې دي.
په نړۍ کې د ښځو د حقونو له تر ټولو سخت ناورین سره مخ دی، نجونې له هغو زدهکړو بېبرخې کېږي چې ژوند يې بدلولاي شي.»
د ملګرو ملتونو دې چارواکې زیاته کړې چې تېر کال په وسلهوالو نښتو کې تر ۳۷ زرو ډېر ملکي وګړي وژل شوي وو چې څلورمه برخه یې ښځې او نجونې وې.
ګومبونزواندا د سولې په ټولو مذاکراتو کې د پرېکړهکوونکو په توګه د ښځو د ګډون او د ښځو د سازمانونو لپاره د مالي سرچینو د برابرولو غوښتنه کړې ده.
دا څرګندونې په داسې حال کې کېږي چې پر افغانستان د طالبانو له بیا واکمنېدو وروسته، افغان ښځې او نجونې له پراخو ښوونيزو، تحصیلي او کاري محدودیتونو سره مخ شوې دي.
دغو محدودیتونو په ټولنیزو او عامه ډګرونو کې د ښځو حضور هم کم کړی دی.
