د ملګرو ملتونو د ښځو څانګې ویلي چې په ۲۰۲۵ کال کې په جګړو کې له وژل شویو هرو څلورو ملکي وګړو یوه یې ښځه یا نجلۍ وه، هغه شمېر چې د ۲۰۲۱ کال پرتله دوه برابره شوی دی.
نوموړي سازمان سهشنبه د اکتوبر پر ۲۷مه د ښځو، سولې او امنیت په اړه د ملګرو ملتونو د سرمنشي د ۲۰۲۶ کال راپور ته په اشارې ویلي چې تېر کال کې په جګړو کې څه باندې ۳۷ زره ملکیان وژل شوي دي.
د راپور له مخې، دا مهال شاوخوا ۷۵۰ میلیونه ښځې او نجونې په جګړو کې د ښکېلو سیمو په ۵۰ کیلومترۍ کې ژوند کوي، هغه شمېر چې د ۲۰۲۴ کال پرتله شاوخوا ۴۰ میلیونه لوړ شوی او له ۱۹۹۰ کال راهیسې کمساری دی.
د ملګرو ملتونو د ښځو څانګې اجرايي مشرې سیما باهوس ویلي چې ښځې او نجونې له هر وخت ډېرې د جګړو په لومه کې راګیرې دي.
نوموړې زیاته کړې چې د پوځي لګښتونو له زیاتوالي او د پراختیايي مرستو له کمېدو سربېره، د ښځو پر رهبرۍ، د جګړو پر مخنیوي او د سولې پر ټینګښت پانګونه تر بل هر مهاله ډېره اړینه ده.
