د ملګرو ملتونو سرمنشي انتونیو ګوتېرېش په سیمه کې د جګړو د پراخېدو د احتمال په اړه د خبرداري ترڅنګ، د ایران او امریکا ترمنځ د جګړې د پای ته رسولو لپاره د زغم، خبرو او ډیپلوماټیکو حللارو غوښتنه کړې ده.
ګوتېرېش دوشنبه د اکتوبر پر ۲۶مه د مصر په پلازمېنه قاهره کې له خبریالانو سره په خبرو کې ویلي چې ښکېلې غاړې دې د کړکېچ له زیاتولو ډډه وکړي او د ډیپلوماسۍ لار دې غوره کړي.
نوموړي خبرداری ورکړی چې که اوسني ګواښونه د جګړو د پراخېدو لامل شي، ښايي په سیمه کې وضعیت له کنټروله ووځي.
د ملګرو ملتونو سرمنشي ټینګار کړی چې د هرمز تنګي او شاوخوا سیمو او همدارنګه د بابالمندب تنګي له لارې د بېړیو د تګ راتګ حقونه او ازادي دې بشپړه ډاډمنه شي.
دا دوه سمندري لارې د نړۍ د تیلو سوداګرۍ مهم مسیرونه ګڼل کېږي او پکې د بېړیو په تګ راتګ کې هر ډول ګډوډي پر نړیوالې سوداګرۍ اغېز کولی شي.
