د روسیې دفاع وزارت خبر ورکړی چې ځواکونو یې تېره شپه د اوکرایین لوژستیکي مرکزونه، د انرژۍ تاسیسات او بندري زیربناوې په نښه کړې چې د مسکو په خبره، دا تاسیسات د اوکراییني پوځ د عملیاتو د ملاتړ لپاره کارول کېدل.
ټاس خبري اژانس دوشنبه د اکتوبر پر ۲۶مه راپور ورکړی چې دا بریدونه په بېپیلوټه الوتکو شوي او د اوکرایین په بېلابېلو سیمو کې یې څو مرکزونه او تاسیسات په نښه کړي دي.
د راپور له مخې، د خارکییف په سیمه کې د اوږد واټن او منځني واټن بېپیلوټه الوتکو او د هغو د پرزو یو ګودام په نښه شوی دی.
د اودیسا په سیمه کې د بارولو زیربناوې او څلور هغه ګودامونه په نښه شوي چې پوځي محمولې پکې ساتل کېدې.
د روسیې دفاع وزارت زیاته کړې چې په سمندر کې یو بېړۍ چې د اودیسا پر لور روانه وه، هم په نښه شوې چې اوکراییني پوځ ته یې پوځي تجهیزات لېږدول.
