د ملګرو ملتونو سرمنشي انتونیو ګوتېرېش د ریاض پر نړیوال هوايي ډګر د حوثیانو مرګونی برید غندلی او پر ملکیانو د بریدونو د سملاسي درېدو غوښتنه یې کړې ده.
ګوتېرېش یکشنبه د اکتوبر پر ۱۱مه په اېکس پاڼه کې لیکلي چې د سعودي عربستان پر ملک خالد نړیوال هوايي ډګر د شنبې ورځې له بریده یې ټکان خوړلی دی.
نوموړي ویلي چې د راپورونو له مخې په دغه برید کې ۱۲ ملکي وګړي وژل شوي او سلګونه نور ټپيان دي.
د ملګرو ملتونو سرمنشي ټينګار کړی چې پر ملکیانو او ملکي زېربناوو برید له نړیوالو قوانینو سرغړونه ده او داسې بریدونه دې سملاسي ودرول شي.
له دې مخکې د امریکا ولسمشر ډونالډ ټرمپ پر ملک خالد هوايي ډګر برید د نه منلو بللی و او ویلې دي چې غواړي د سعودي له ولیعهد محمد بن سلمان سره خبرې وکړي.
